William Ruto: Serikali yangu itaimarisha utengenezaji bidhaa kaunti ya Kiambu

Muungano wa Kenya Kwanza unaongozwa na naibu Rais Dkt.William Ruto umeahidi kufufua sekta za kilimo na utengenezaji bidhaa katika kaunti ya Kiambu.

Akihutubia kongamano la kiuchumi katika jumba la mikutano la Jumuia mjini Kiambu Jumatatu asubuhi, Naibu huyo wa Rais, alisema iwapo atachaguliwa kuwa rais kwenye uchaguzi mkuu wa tarehe tisa mwezi Agosi mwaka huu, atapea kipaumbele ufugaji wa ng’ombe wa maziwa katika kaunti hiyo ambayo inafahamika kuwa moja ya kaunti zinazozalisha maziwa kwa wingi humu nchini kwa kupunguza gharama ya lishe za mifugo.

Also Read
Mfungwa aliyeachiliwa huru amchinja mamake Kirinyaga

Alitaja ukuzaji wa Sim sim, Soya na malighafi nyingine zinazohitajika kwa uzalishaji wa lishe za mifugo ili kuhakikisha wafugaji wanapata lishe hizo kwa bei nafuu.

Also Read
Visa 949 vipya vya Covid-19 vyanakiliwa huku watu wanne zaidi wakifariki

Aidha Dkt. Ruto pia alitoa ahadi ya kusaidia vyama vya ushirika vya wakulima wa kaunti hiyo katika kujenga viwanda vya utayarishaji bidhaa.

Ruto ameahidi kuhahakikisha wakulima wanafahamishwa kuhusu kiwango cha chini cha faida watakayopata, ili kuhakikisha wakulima wanajua bei za mazao yao kabla ya kuyauza.

Also Read
Raila Odinga anaongoza kwa umaarufu miongoni mwa wawaniaji Urais

Naibu rais alikuwa akijibu malalamishi ya wafugaji wa ng’ombe wa maziwa katika kaunti ya Kiambu waliosikitika kutokana na kiwango cha chini cha maziwa na bei za juu za lishe za mifugo.

  

Latest posts

Shikanda ahifadhi uenyekiti wa AFC Leopards

Dismas Otuke

Kalle Rovanpera atwaa ubingwa wa raundi ya Kenya mashindano ya WRC

Tom Mathinji

Ajali ya kwanza yatokea katika barabara ya Expressway

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi